RELIGION: HYMNS: HOME
ΑΝΑΣΤΑΣΕΩΣ ΗΜΕΡΑ:
Αναστάσεως ημέρα και λαμπρυνθώμεν τη πανηγύρει
και αλλήλους περιπτυξώμεθα.
Είπωμεν αδελφοί και τοις μισούσιν ημάς:
συγχωρήσωμεν πάντα τη αναστάσει και ούτω βοήσωμεν:
Χριστός ανέστη εκ νεκρών, θανάτω θάντον πατήσας
και τοις εν τοις μνήμασι ζωήν χαρισάμενος
(Ήχος Πλ. Α', Μέλος Στιχηραρικόν)
ΠΡΩΙΝΗ ΠΡΟΣΕΥΧΗ:
Εις το όνομα του πατρός
και του υιού
και του αγίου πνεύματος
Αμήν
Βασιλεύ ουράνιε παράκλητε
το πνεύμα της αληθείας
ο πανταχού παρών και τα πάντα πληρών
ο θησαυρός των αγαθών
και ζωής χορηγός
ελθέ και σκήνωσον εν ημίν
και καθάρισον ημάς από πάσης κηλίδος
και σώσον αγαθέ τας ψυχάς ημών
Αμήν
ΤΡΕΙΣ ΙΕΡΑΡΧΕΣ: ΑΠΟΛΥΤΙΚΙΟ:
Τους τρεις μεγίστους φωστήρας, της Τρισηλίου Θεότητος, τους την
οικουμένην ακτίσι, δογμάτων θείων πυρσεύσαντας· τους μελιρρύτους
ποταμούς της σοφίας, τους την κτίσιν πάσαν θεογνωσίας νάμασι
καταρδεύσαντας· Βασίλειον τον μέγα, και τον θεολόγον Γρηγόριον, συν τω
κλεινώ Ιωάννη, τω την γλώτταν χρυσορρήμονι· πάντες οι των λόγων αυτών ερασταί,
συνελθόντες ύμνοις τιμήσωμεν· αυτοί γαρ τη Τριάδι, υπέρ ημών αεί πρεσβεύουσιν.
ΦΩΣ ΙΛΑΡΟΝ:
Φως ιλαρόν αγίας δόξης
αθανάτου Πατρός,
ουρανίου αγίου μάκαρος
Ιησού Χριστέ,
ελθόντες επί την ηλίου δύσιν,
ιδόντες φως εσπερινόν,
υμνούμεν Πατέρα, υιόν
και Άγιον Πνεύμα, Θεόν,
άξιον σε εν πάσι καιροίς
υμνείσθαι, φωναίς αισίαις
Υιέ Θεού, ζωήν ο διδούς,
διό ο κόσμος σε δοξάζει.